Zongeina te Sin na ki nei hi


Dear Laizom Sanggamte,

Zomi Innkuan Gemany ii vai hawm na Zongeina te Sinna cih thulu tawh 10-15.08.2009 dong kalkhat sung Naupangte pattahna ki nei a, nuamtak in ki zo hi. Zomi te a hang atuamtuam tawh Gam tuamtuam, Mun tuamtuam ih tung hangin Zomi i hihna amangthang lo dingin ki han ciam tek hi. Amahsain hibang vai hawmna aom theihnang hong vai hawm pih ih biak Pasian amin phat masa hang. Annihna ah German kumpi te mahmah in zong Minam khat amangthang ding leh ki nemniam ding deihlo uh ahih manin Zomi Innkuan Germany e.V. min tawh hih bang a ka vai hawm na te uh hong thukim pih hi, bek thamlo in Sum le pai mahmah tawh zong hong huh uh ahih man-in German kumpi te tung mahmah ah zong ki lungdam mahmah hi. Tuaban ah Nu le Pa akuamahpeuh in zong Sum le pai, tha le ngal tawh hong mapan pih uh ahih man-in Kalkhat sung ahih hangin kha khat sung mah akisin bangin Naupangte hong khangto mahmah uh hi. Sia teng 4 tungah zong ki lungdam pha deuh hi.

Kalkaht sungbek mah hun ki ngah ahih man-in Zingsang nai 9:30 pan nitak nai 6:30 dong phial ki sin pih-in gim-ung- tawl-ung cilo in hong hanciam ahih manun tha ki ngah mahmah hi. Zongeina te sinna cih thulu nuai ah Zolai, Zola, Zolaam, Zolapi te ban ah Kawlla le Lai zong Basic ki sin sak lai hi. 15.08.09 ni Nitakin Naupangte ading Party no khat ki bawl sakin, Nulepa te mai ah asin sa uh ahi Zolai, Kawllai, Zola, Kawlla, Zolaam le la te hong sim kik – hong sa kik uh ahih manin a Nu le Pa te zong tha ngah thei mahmah uh hi.

Attach ah Photo pawl khat na en sak un,
Youtube ah:

Lungdam,

A.Lian
Zomi Innkuan Germany

Leave a comment

Your email address will not be published. Required fields are marked *

*