Zomi Innkuan Germany Kum khat sung sep / bawl khiat na teng phulaakna


Zomi Innkuan Germany Kum khat sung sep / bawl khiat na teng phulaakna

06.01.2008 ni-in ZIG athakin ki zom kik aa, Panmun gualhna zong athakin ki nei kik hi.

1. 16.02.2008 ni-in Avei 60 cin Zomi bup kipawl aa aki bawl Zomi namni ah ahi thei zahin panmun-la in ki hel hi. Sum le pai tawh ahizongin, tha le ngal tawh ahizongin, Ngeinalam te tawh ahizongin ki hel thei hi.
2. 17.02.2008 ni-in Zomi namni ah lasa ding aa hong pai Lasa Thawn Kham leh UK pan ZI UK Makaipi Sia Tha Mung te tutpihna ki nei hi. Tualaiah Lasa Thawn Kham ii Minam a-itna leh a-veina tawh a-lasaknate ZIG in thupisa leh Pahtawina in €270 letsong piakna ki nei hi.
3. 02.03.2008 ni-in ZIG Thukhun ki kup amasapen ki kupna ki nei hi. Tulaitakin tua thukhun teng ki zo khin ta aa, Thukhen Zumpi ah 23.09.2008 aa ki puak khin hi. Tuni ciang banmah thuzak thakna om nai lianlo hi.
4. 07.09.2008 ni-in ZIG website bawl nang Panmunlen tengin vai hawm nopna leh thukim na ki nei aa 25.09.2008 ni-in domain ki lei hi. Tun aki bawlsan lai tak hi. Domain min www.zomigermany.org hi.

5. Nopna lam (Lungdam pihna te)

* 1) 06.01.2008 ni-in Pa Hau Suan Mang (Nicholas bil) in Pa Pasian kiang pan Letsong Tg Thang Muan Lian hong nei ahih manin ZIG in ki lungdampih aa € 25 tawh muakna ki nei hi.
* 2) 11.02.2008 ni-in Pa Gin Khan Lian in Pa Pasian kiang pan Letsong Tg Pau Khan Sang hong nei ahih manin ZIG in ki lungdampih aa €25 tawh muakna ki nei hi.

6. Dahna (Sihgalna le Natvehna)

* 1) 02.03.2008 ni-in Pa Gin Khan Lian ii tapa Tg Pau Khan Sang in damlohna tawh Zato ah ni 6 hong lum ahih man-in ZIG in natvehna Zatoah ki nei in, € 50 tawh Vehna ki pia hi.
* 2) 08.03.2008 ni-in U Soe Naing Oo (Kawlte) khat hong si ahihmanin EC teng le Mipi thukim na tawh Pakkual khat tawh galna-in ki ken aa Hanmualah ki kha hi. Pakkual pen €48 tawh aki lei hi.
* 3) 28.05.2008 ni-in ZNC Makai pi Pu Chin Sian Thang in tuahsiatna 20.05.08 in hong nei in, ZIG min tawh natvehna in € 260 ki pia hi. Note; Hih tengpen thukhun sungah ki hello ahih man in, Member sung aa aveh nuam te kiangpan aki ngah hi.
* 4)17.07.2008 ni-in Pa Thawng Do Nang ( Pa Tawkpi) in damlohna tawh zato ah kha khat val hong lum ahih man-in €50 leh thungetna tawh va ki veh thei hi. Tualai ah Frankfurt pan zong apai zo zah ki pai to hi.
* 5)21.09.2008 ni-in Nu Mang Man Ciang ( Pa Ginpi’ zi) in dam lohna tawh zato ah kal khat val hong lum ahihmahin ZIG in € 50 tawh natvehna ki nei hi.

7. Tukum sung Member thak teng

Zomite Germany ah ki ci tawm lai mahmah aa, ahihzong’n Pasian hehpihna tawh tukum sungin Pawlmi 6 ki behlap ahihmanin ki lungdam mahmah hi. Tuate pen;

* 1. Tg Thang Muan Lian ( Pa Hau Suan Mang’ tapa)
* 2. Tg Pau Khan Sang (Pa Gin Khan Lian’ tapa)
* 3. Pa Thang Vel Kam (Sia Velpu)
* 4. Tg Thang Suan Mung ( Suanno)
* 5. Tg Khai Suan Khup (Khuppi)
* 6. Tg Lian Mun Thang ( Thang) , hih member thak teng zong Khuado ah akim-in hong ki hel thei ahih man un ki lungdam phadiak hi.

Zomi Innkuan Germany
frankfurt am Main

Leave a comment

Your email address will not be published. Required fields are marked *

*