Zomi Innkuan Kipawlna (LZI) pan Zomi Youth Association (ZYA) tung donation piak na


Leitungbup Zomi Innkuan Kipawlna

USA, Canada , UK , Denmark , Norway , Sweden , Germany , India , Singapore , Malaysia , Philippines

Thupulakna : July 29, 2009

Leitungbup Zomi Innkuan Kipawlna (LZI) in kipawlna phuh zawhna muakna in Kawlpi khuapi a bulphuh Zomi Youth Association (ZYA) kipawlnate’ “Na Sisan Tawh Honkhia In” maban kalsuanna leh Zomi taangpi taangta a’ding akisam bangin za’t theih dingin “Zomi Innkuan Mawtaw” khat, July 12, 2009 ni LZI kipawlna Board of Trustees – Chairman Dr. Chin Do Kham in ZYA kipawlna President Pa Ngul Do Tuang tung ah piakhia hi. Zomi Innkuan Mawtaw leina ding a kisam sum khempeuh pen LZI kipawlna in ahuam, tuipi galkai Zomi-te tung panin a kikaikhawm ahi hi.

Leitungbup Zomi Innkuan Kipawlna in Zomi Youth Association kipawlna tung ah Zomi Innkuan Mawtaw piakkhiatna pawi hun ciaptehna (atom in) pen anuai a YouTube Site ah video in ki-en thei ding hi.

Mawtaw piakkhiatna hun sung khempeuh ciaptehna, ZYA kipawlna pan Zola leh Zo ngeina laam tawh lungdam kohna, ECT Trio pawlte lasaknate akim takin akikhum DVD pen, hih vai a Project Manager Dr. Chin Do Kham (cdkham77@yahoo. com) tung panin kivaikhak/kileithei ding hi.

Mawtaw leina leh sum leh paai tawh kisai thu leh la a thei nuam peuhmah in LZI – Board of Trustees pawl Treasurer Pa Pau Khan Khup (pau_khup@yahoo. com.sg) tung ah kikan thei ding hi.

Leitungbup Zomi Innkuan Kipawlna leh a maban tawh kisai thu leh la khat peuhpeuh atheinuam akuppih nuamte in, omna mun, khua, gam ciat a Zomi Innkuan kipawlna Makaipite tung ah kikan thei ding hi.

Board of Trustees

Leitungbup Zomi Innkuan Kipawlna

Leave a comment

Your email address will not be published. Required fields are marked *

*